Enkonduko al Europa.*
Archive-name: europa/eo/introduction (v. 1.0) Posting-frequency: monthly Last-modified: Wednesday Nov 07 2001 Tiu FAQ (Demandoj kaj respondoj) estas kreita de la organizado-komitato de europa.* Viaj komentoj kaj sugestoj estas bonvenaj al: mailto:contact@europa.usenet.eu.org Enhavo 1. Kio estas europa.*? 1.1. Kion vi nomas "Eŭropo"? 1.2. Kiun lingvon mi uzu en europa.*? 1.3. Kiel ne konfuziĝi pro tiuj multlingvaj fadenoj? 1.4. En kiu stranga lingvo estas la nomoj de la forumoj? 1.5. Sed la priskrib-linioj ne estas en Interlingvo? 2. Kiu administras europa.*? 3. Kiaj bonaj uzoj estas en europa.*? 3.1. Lingvoj 3.2. Kulturaj diferencoj kaj ksnenofobio 3.3. Mult-publikigo kaj sekvo-al 3.4. "Inverse" afiŝantoj. 3.5. Problemaj mesaĝoj 1. Kio estas europa.*? Europa.* estas internacia hierarkio dediĉita al temoj koncernantaj la eŭropan kontinenton. Ĝi permesas diskutojn inter la loĝantoj de la diversaj landoj de Europo. Por pliaj informoj, konsultu la TTT-ejon de europa.* http://www.europa.usenet.eu.org/ Por vidi ĝis-datigitan liston de la forumoj de europa.*, bonvolu konsulti la plej lastan kontrol-mesaĝon "checkgroups" en: http://www.europa.usenet.eu.org/checkgrps.html 1.1. Kion vi nomas "Eŭropo"? Eŭropo estas definita kiel geografia parto al kiu apartenas Rusio (kies plej multaj loĝantoj estas en Eŭropo) kaj Turkio. Ĝi ne konsistas nur el ajna politika aŭ ekonomia parto, kiel Eŭropa Unio. Kompreneble, mesaĝoj de ĉiuj partoprenantoj estas bonvenaj, kiuj estas eŭropano aŭ ne eŭropano, kondiĉe ke ilia objekto koncernas eŭropajn temojn. 1.2. Kiun lingvon mi uzu en europa.*? Europa.* estas multlingva hierarkio, kio signifas ke mesaĝoj povas esti afiŝitaj en ajna lingvo uzita en Eŭropo. Ne estas "referencaj lingvoj" en europa.* kaj multlingvaj fadenoj estas kuraĝigitaj. Ĉiuj dokumentoj, kiel tiu FAQ, estas afiŝitaj en tiom da lingvoj kiom eblas. Se vi pensas, ke dokumento bezonas tradukon en iu lingvo, vi povas sendi mesaĝon al la organizado-komitato: mailto:contact@europa.usenet.eu.org kaj, pli bone, proponu vian propran tradukon :-) 1.3. Kiel ne konfuziĝi pro tiuj multlingvaj fadenoj? Antaŭ ĉio, estas dezirinda, ke aliaj partoprenantoj sciu kiujn lingvojn vi komprenas (eĉ se vi ne flue skribas ilin). Estas konsilinda do indiki klare ilin en via subskribo, uzante la internacian kodon (iso-639) ftp://dkuug.dk/i18n/ISO_639 kiel en la ĉi-suba ekzemplo: Jean Martin [ia,eo,en,fr,de,nl,es,it,ru,pl,dk]. Se via novaĵ-legilo permesas tion, vi povas ankaŭ krei kapon [X-Accept-Language: ] uzante la saman kodon iso-639. Kiam vi komencas novan subjekton, vi povas indiki la kodojn de la preferitaj lingvoj en la titolo de via mesaĝo. Tamen, tio ne malpermesas, ke respondoj estu eventuale en alia lingvo kaj la indiko povas iĝi malĝusta kiam la fadeno progresis. Aliflanke, tio povas esti utila por tiuj kiuj deziras filtri la mesaĝojn, kiujn ili ne povas kompreni. Konvencioj povas ŝanĝi laŭ la grupoj, trarigardu la diskut-fadenojn antaŭ komenci novan. 1.4. En kiu stranga lingvo estas la nomoj de la forumoj? Tiu lingvo estas Interlingvo (Interlingua). Kiam la hierarkio europa.* estis kreita, ne ŝajnis dezirinda uzi mikson de la diversaj eŭropaj lingvoj por nomi la forumojn, nek pli ol uzi nur unu lingvon (la angla aŭ alia), ĉar tio endanĝerigus la principojn de multlingveco kaj de lingva neŭtraleco. Oni preferis konstrui la nomojn el Interlingvo, super-eŭropea lingvo kiu estis kreita de teamo de lingvistoj por esti komprenita de la plej multe da popoloj. (Vidu http://www.interlingua.com). Temas pri klaraj terminoj, logikaj kaj pripensitaj, kiujn preskaŭ ĉiuj komprenas unuavide, kiu ajn estas sia nacia lingvo. Dum la tria AAD (Alvoko Al Diskutado) por la kreo de europa.*, Martijn Dekker skribis argumentaron favore al uzo de Interlingvo por la nomoj de europa.* kiu estas videbla en http://www.europa.usenet.eu.org/interlingua.html 1.5. Sed la priskrib-linioj ne estas en Interlingvo? Ne efektive. Fakte, oni rimarkis ke kelkaj personoj malfacile komprenas iujn nomojn de forumoj en Interlingvo. Prefere al Interlingvo, la priskrib-linioj estas do multlingvaj, kun limigo al la plej reprezentantaj lingvoj de ĉiuj lingvaj familioj, pro la manko de loko en linio de 80 tipoj. Por pli da detaloj pri la priskrib-linioj de la forumoj, konsultu http://www.europa.usenet.eu.org/gn-desc.htm#gnds-fr 2. Kiu administras europa.*? Jen la listo de la membroj de la organizado-komitato de la hierarkio europa.* (vidu ankaŭ http://www.europa.usenet.eu.org/steering.html): Kunordiganto kaj administrado de la TTT-ejo: Andy Roberts andy.roberts@zetnet.co.uk Posedanto de la PGP-ŝlosilo kaj publikanto de la kontrol-artikoloj: Mario Benvenuti mario@computerville.it Redaktanto: Martijn Dekker martijn@inlv.demon.nl Philippe Vigeral phv@pottok.org Marcin Dêbowski agatek@notrix.net Modesto Garrido modegar@idecnet.com Simon Paquet sipaq@gmx.de Peter Alfredsen peteralf@fabel.dk 3. Kiaj bonaj uzoj estas en europa.*? 3.1. Lingvoj Kiel indikita pli alte (vidu 1.3.), vi estas invitita klare indiki en viaj artikoloj, kiujn lingvojn vi komprenas, eĉ se vi ne skribas ilin flue. Plie, kiam vi respondas al alia artikolo, dankon plej eble uzu lingvon, kiun vi scias konata de la aŭtoro de la artikolo. 3.2. Kulturaj diferencoj kaj ksnenofobio Diskutoj pri kultura diverseco de la diferencaj eŭropaj naciecoj estas natura subjekto en multaj forumoj de europa.*. Tamen, dankon estu atentema al la sentemoj de personoj kiuj legos vin kaj evitu fari rimarkojn kiuj povus esti komprenitaj kiel ksenofobia aŭ rasista. Kiam aperas mesaĝoj evidente ksenofobia aŭ rasista, estas konsilinda *neniam* respondi al ilia aŭtoro. Se oni povas identigi lin, sendu plendon al la "abuse" servo de lia/ŝia ret-provizanto (mailto:abuse@nomo-de-la-ret-provizanto) kun kopio de ĉiuj kapoj de la koncernitaj mesaĝoj. Kaj, se vi deziras, aldonu la personon al via filtrilo. 3.3. Mult-publikigo kaj sekvo-al Se artikolo koncernas diversajn temojn en pluraj forumoj, mult-publikigo ("crosspost") povas okazi, kun la nepra kondiĉo ke "sekvo-al" (follow-up) estu aldonita al nur unu forumo. Tio estas valida interne de la hierarkio europa.* sed ankaŭ por publikigo al forumoj de aliaj naciaj aŭ lingvaj hierarkioj, por eviti sendon al tiuj de artikoloj skribitaj en alia lingvo ol ilia. 3.4. "Inverse" afiŝantoj. La respondoj povas esti metitaj sekve de la antaŭa teksto citante ekstrakton sufiĉe granda por permesi la komprenon de la kunteksto. La respondo povas ankaŭ esti intermetita kun la teksto por ĉiuj diskutitaj punktoj. Estas dezirinda memorigi ĝentile tiujn regulojn al tiuj kiuj afiŝas "inverse", sed dankon ne moku ilin kaj ne kreu longajn fadenojn de diskuto pri tio. 3.5. Problemaj mesaĝoj - duumaj dosieroj estas malpermesitaj en europa.* ; - HTML estas malpermesita kaj same por aliaj kod-lingvoj; - reklamoj estas malpermesitaj en europa.*, krom se ili estas senditaj al filtrita specifa grupo; - spamo estas malpermesita kaj estos forigita. Pliaj informoj en diversaj lingvoj estas en la TTT-ejo de Europa.* Tiu FAQ kaj aliaj: http://www.europa.usenet.eu.org/faq/ Kaj la ĉartoj de la diversaj grupoj: http://www.europa.usenet.eu.org/chartas/